पानोरमा रिर्सोटमा ८ भारतीय बिहोस अवस्थामा फेला 

मकवानपुरको थाहा नगरपालिकामा रहेको पानोरमा रिसोर्टमा ८ भारतीय नागरिक बिहोस भएको अवस्थामा फेला परेका छन् । रिर्सोटमा  दुई कोठा लिएर बसेका भारतीय पर्यटकहरु आज मंगलबार बिहान बेहोस अवस्थामा फेला परेका हुन् । उक्त नागरिकहरु भारतको केरला प्रदेशका भएको खुल्नमा आएको छ । 

 अचेत रहेका ४ महिला र ४ पुरुषको पहिचान भने हुन नसकेको प्रहरीले जनाएको छ ।  चिसोबाट बच्न हिटरबाट उनीहरु निसासिएर बेहोस भएको हुनसक्ने  प्रहरीको प्रारम्भिक अनुमान छ । पर्यटकहरु दुई कोठामा बसेको भए पनि एकै कोठामा  बेहोस अवस्थामा भेटिएको  जनाएको छ । 

अचेत अवस्थामा रहेका भारतीयहरुलाई अहिले काठमाडौं स्थित ह्याम्स अस्पतालमा हेलिकप्टर मार्फत लगिएको प्रहरीले जनाएको छ । 

उनीहरु १५ जनाको समुहमा नागपोखरीमा रहेको इजी कम्पनीबाट हेटौंडा आएको बुझिएको छ।