गण्डकीविरुद्ध कर्णालीको सहज जित

काठमाडौं । प्रधानमन्त्री कप पुरुष क्रिकेट अन्तर्गत आज मुलपानीमा सम्मन्न खेलमा गण्डकी प्रदेशलाई हराउदै कर्णाली प्रदेशले जित हात पारेको छ । काठमाडौंको मुलपानी क्रिकेट मैदानमा आज भएको खेलमा कर्णालीले गण्डकीलाई ५ विकेटले हराएको हो ।

टस जितेर ब्याटिङमा उत्रिएको गण्डकी प्रदेश ४२.३ ओभरमा अलआउट हुँदै २ सय ४ रनमा समेटिएको थियो ।

गण्डकीका लागि राहुल उपाध्यायले सर्वाधिक ५३ रन बनाउँदा अर्जुन कुमालले ४६ रन बनाए। त्यस्तै विपिन खत्रीले ३२ रन बनाउँदा दिनेश बुढामगरले १० रनमा सिमित रहनु पर्यो ।

बलिङतर्फ कर्णालीका दिनेश अधिकारीले सर्वाधिक ३ विकेट लिँदा अनुज चुनरा र दिवान पुनले समान २÷२ विकेट लिए। त्यस्तै रवीन्द्र शाहीले एक विकेट लिए।

जवाफी ब्याटिङमा उत्रिएको कर्णालीले ३६.५ ओभरमा ५ विकेट गुमाएर लक्ष्य भेट्टायो।

कर्णालीका लागि हिमांशु शाहीले सर्वाधिक अभिजित ६८ रन बनाए।

त्यस्तै बिपिन रावलले ४९ रन बनाउँदा राज शाहले ३२ र हेमन्त ओलीले २९ रन जोडे।

बलिङतर्फ गण्डकीका विपिन खत्री एक्लैले ४ विकेट लिँदा सुवास भण्डारीले १ विकेट लिए।

प्रतियोगितामा दुई खेल खेलेको कर्णालीको यो पहिलो जित हो। त्यस्तै तीन खेल खेलेको गण्डकीको यो दोस्रो हार हो।