प्रहरीद्वारा बिष्फोटक पदार्थ (पटाका) बरामद

जिल्ला प्रहरी कार्यालय मकवानपुरले सवारी चेकजाँचको क्रममा विभिन्न बिष्फोटक पदार्थहरु बरामद गरेको छ ।

मकवानपुर प्रहरी प्रमुख एसपी मुकेशकुमार सिंहको कमाण्डमा गएको प्रहरी टोलीले पूर्वपश्चिम राजमार्ग अन्तर्गत हेटौंडा १४, चुरियामाईमा गरेको विभिन्न ६१ वटा सवारीलाई चेकजाँच गर्दा तिहारमा प्रयोग गर्न ल्याईएको १७ प्याकेट आलुबम, १० प्याकेट बुलेट बम, ११ थान पटका, २५ थान रकेट बम, १ सय ५० थान झिरझिरे, थ्रीस्टार १२ प्याकेट क्रेकर लगायत बरामद गरेको छ । 
बरामद गरिएका विष्फोटक पदार्थ (पटाका) लाई सञ्चारकर्मीहरुको रोहबरमा जिल्ला प्रहरी कार्यालयको हाताभित्र नष्ट गरिएको थियो ।