नुवाकोटमा ट्रिपर दुर्घटना, दुईको मृत्यु, ५ घाइते

नुवाकोटको बिदुर नगरपालिका वडा नम्बर १२ मा मजदुर चढेको ट्रिपर दुर्घटना हुँदा २ जनाको मृत्यु भएको छ । दुर्घटनामा ५ जना घाइते भएका छन् ।

सडक निर्माणको काम गर्ने मजदुरहरु चढेको ट्रिपर दुर्घटना हुँदा दुई जनाको घटना स्थलमै मृत्यु भएको हो । घाइतेमध्ये एक जनाको अवस्था गम्भीर रहेको छ ।

घाइतेहरुको जिल्ला अस्पताल त्रिशुलीमा उपचार भइरहेको जिल्ला ट्राफिक प्रहरी कार्यालय नुवाकोटले जनाएको छ ।

मृतक र घाइते सबै बाहिरी जिल्लाका काम गर्ने मजदुरहरु रहेका छन् । मृतकको सनाखत हुन सकेको छैन् ।