निमार्णाधिन सडकबाट ढुङ्गा खसेपछि……

गुल्मीको कालीगण्डकी करिडोर अन्र्तगतको सडक खण्डबाट ठूलो ढुङ्गा खस्दा घर पूर्णरुपमा क्षति भएको छ । कालीगण्डकी गाउँपालिका वडा नं २ का हिमलाल पराजुलीको घर पूर्णरुपमा क्षति भएको त्यस वडाका वडाध्यक्ष देबिप्रसाद न्यौपानेले जानकारी दिए ।

नेपाली सेनाले निर्माण गरिरहेको कालीगण्डकी करिडोर अन्र्तगत अर्बेनी–पुर्तिघाट सडक खण्डमा माथिबाट ठुलो ढुङ्गा खसेर पराजुलीको घरमा पुर्ण रुपमा क्षति भएको हो । घरमा कोही नभएकाले मानबीय क्षती भने भएको छैन ।

घर पुर्ण रुपमा क्षति भएपछि नेपाली सेना तथा गाउँपालिकाका विभिन्न सरोकारवालाहरुले सेनाले घर निर्माण गरिदिने सहमति गरेका छन्  ।