टिपर दुर्घटना हुँदा हेटौंडाका लामा सहित एकको मृत्य

काठमाडौँको तारकेश्वरमा फोहर बोकेको टिपर दुर्घटना हुँदा दुईजनको मृत्यु भएको छ । 

कीर्तिपुरबाट फोहोर बोकेर गइरहेको ना २ क ३३८ नम्बरको टिपर अनियन्त्रित भएर पल्टिदा चालक र सहचालकको मृत्यु भएको बालाजु प्रहरीले जनाएको छ ।

मृत्यु हुनेमा हेटौंडा घर भई खशीबजार कलंकी बस्ने चालक माइला लामा र धादिङको गल्छी घर भएका सहचालक कमल लामा रहेका छन् । 

दुवैजनाको टिपरमा च्यापिएर मृत्यु भएको प्रहरी वृत्तका डीएसपी रञ्जितसिंह राठोरले जानकारी दिए ।