प्रचण्ड र देउवाबिच भेटवार्ता, सभामुृख चयनबारे छलफल

प्रचण्ड र देउवाबिच देउवानिवासमा भेटबार्ता भएको छ । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवाबिच बुढानिलकण्ठमा भेटवार्ता भएको हो ।  देउवानिवासमा सोमबार बिहान भएको भेटमा सभामुख चयनका बारेमा छलफल भएको जनाइएको छ ।

कृष्णबहादुर महारामाथि संसद सचिवालयकी कर्मचारीले बलात्कारको आरोप लागेपछि सभामुख पदाबाट राजीनामा दिएका थिए । त्यसयता सभामुख पद रिक्त रहेतापनि नेकपाले भावी सभामुखको उम्मेदवार तय गर्न सकेको छैन । त्यसैगरी कांग्रेसले सभामुख र उपसभामुख मध्ये एक आफ्नो पार्टीले पाउनु पर्ने दाबी गर्दै आएको छ ।

यहिबिचमा दुई दलका शीर्ष नेताबिच भेटवार्ता भएको हो । भेटमा समसामयिक राजनीतिबारे पनि छलफल भएको जनाइएको छ ।