कुटपिट गरी १५ वर्षीया किशोरीको हत्या, चार जना पक्राउ

प्रहरीले १५ वर्षीया किशोरीको हत्या गरेको आरोपमा चार जनालाई प्रहरीले पक्राउ गरेको छ । पोखरिया गाउँपालिका– ९ सेमरबारी बस्ने किशोरीकी आमा शिवकली देवी, काका सन्तोष दास तत्वा, राजेन्द्र दास तत्वा र ट्याक्टर चालक जितेन्द्र यादवलाई पक्राउ गरेको हो ।

 पुनिताका बुबा वीरेन्द्र दास भने फरार छन् । 

प्रहरीको प्रारम्भिक अनुसन्धानको क्रममा मोबाइलमा केटाको फोन आएपछि पुनितालाई कुटपिट गर्दा मृत्यु भएको हुनसक्न प्रहरीले जनाएको छ ।

‘कुटपिटकै क्रममा पुनिताको ज्यान गएपछि घरनजिकैको खेतमा गाडेको जस्तो देखिएको र जलाएको अवस्थामा केही अवशेष पनि फेला परेको प्रहरीले जनाएको छ । 

करिब एक महिनाअघि पुनिता हराएको सूचना प्रहरीमा पुगेको थियो । प्रहरीले सूचनाकै आधारमा पुनिताको खोजीकार्य जारी राखेको थियो । अन्ततः २१ गते पुनिताको शव फेला पारेको हो ।