अटोको ठक्करबाट ५ बर्षीय बालकको मृत्यु

पश्चिम चितवनको मेघौलीमा अटोको ठक्करबाट एक बालकको मृत्यु भएको छ । आज शुक्रबार भरतपुर महानगरपालिका २८ को जोगीटोलमा पर्साढापबाट गोलाघाट जाँदै लु १ स ७७३० नम्बरको तरकारी बोक्ने अटोले ठक्कर दिँदा ५ बर्षका मनिष कुमालको मृत्यु भएको हो । 

अटोको ठक्करबाट गम्भीर घाइते भएका उनको मेडिकल कलेज भरतपुर हस्पिलमा उपचारको क्रममा मृत्यु भएको हो । ठक्कर दिने अटो र चालकलाई पक्राउ गरिएको जिल्ला प्रहरी कार्यालय चितवनले जनाएको छ ।