होण्डाको नयाँ शोरुम हेटौंडामा 

आज बुधबारदेखि हेटौंडामा होण्डाको नयाँ शोरुम संचालनमा आएको छ । होण्डा मोटरसाइकल,स्कुटर तथा गाडीको नेपालको लागि अधिकृत बिक्रेता साथै ज्योति ग्रुपको स्याकर ट्रेडिङ्ले हेटौंडा १० स्थित रुद्रपथमा टाइम्स अटोहब प्रालि संञ्चालनमा ल्याएको हो । 

मकवानपुर उद्योग बाणिज्य संघका अध्यक्ष कृष्ण कटुवाल स्याकरका होण्डा मोटरसाइकलका जेनेरल म्यानेजर सोहन श्रेष्ठ र स्याकरका स्पेयर पार्ट्सका म्यानेजर मुकुन्द श्रेष्ठले संयुक्त रुपमा रिवन काटेर शोरुमको उद्घाटन गरिएको हो ।

होन्डाका ग्राहकले अब नेपालमै सबै भन्दा सस्तो कर्जा सुविधा पाउने बताईएको छ । स्याकरका होण्डा मोटरसाइकलका जेनेरल म्यानेजर सोहन श्रेष्ठका अनुसार ९.९९ प्रतिशत ब्याजदरमा सरल र सहज हिसावले कर्जा सुविधा प्राप्त गर्न सक्नेछन् । 

हेटौंडामा आफ्ना ग्राहकका लागि अपेक्षा अनुसारको सेवा दिन आफु तत्पर रहेको टाइम्स अटोहब प्रालिका निर्देशक शिवराम श्रेष्ठले जनाएको छ ।  साथै टाइम्स अटोहबमा राती ८ बजे सम्म सर्विसिङ्ग र मर्मतको व्यवस्था हुने र ग्राहकले आफ्नोसवारी मर्मत गर्न ल्याएको दिन कुनैपनि पार्ट्स उपलब्ध नभए अर्कोदिन उक्त पार्ट्स ग्राहकलाई निशुल्क उपलब्ध गराउने समेत श्रेष्ठले प्रतिवद्धता व्यक्त गरे। 

ज्योति ग्रुपको एक कम्पनि स्याकर ट्रेडिङ् सन् १९७६ देखि होण्डा मोटरसाइकल,स्कुटर तथा गाडीको नेपालको लागि अधिकृत बिक्रेताको रुपमा स्थापित छ।