आगलागी हुँदा १० वर्षीया बालिकाको जलेर मृत्यु

गोठमा आगलागी हुँदा १० वर्षीया बालिकाको जलेर मृत्यु भएको छ । कञ्चनपुरको शुक्लाफाँटा नगरपालिका–१ मा शुक्रबार घर नजिकै रहेको गोठको माथिल्लो तलामा रहेको भुसामा आगलागी हुँदा १० वर्षीया श्रृष्टि ऐरको मृत्यु भएको हो ।  

विस्तृत अनुसन्धान गरिरहेको बताउँदै आगलागीको कारण खुल्न नसकेको अस्थायी प्रहरीचौकी बन्साहका प्रमुख प्रहरी सहायक निरीक्षक महादेव पन्तले जनाएको छ । 

आगलागीबाट बालिकाको घटनास्थलमै मृत्यु भएको प्रहरीले जनाएको छ ।  बालिका स्थानीय सूर्योदय पब्लिक बोर्डिङ स्कूलमा कक्षा–५ मा अध्ययनरत थिइन ।