प्रधानमन्त्री ओलीको जन्मदिनको अवसरमा गाँउपालिकाले दियो सार्वजनिक विदा 

हेटौडा न्युज
११ फाल्गुन २०७६, आईतवार १८:५८
;

प्रधानमन्त्री केपी शर्मा ओलीको जन्मदिनको अवसरमा आठराई गाउँपालिकाले सार्वजनिक विदा दिएको छ । प्रधानमन्त्री ओलीले आफ्नो जन्मदिन तेह्रथुमको आठराईस्थित जन्मघरमा मनाउने भएपछि सो गाँउपालिकाले बिदा दिएको हो । 

गाउँपालिकाले प्रधानमन्त्री ओलीले आफ्नो क्षेत्रमा विकास निर्माणका कामको शिलान्यास गर्ने भएकाले स्थानीय बिदा दिने निर्णय गरेको जनाएको छ ।

आठराई गाउँपालिकाका अध्यक्ष मानबहादुर लिम्बूका अनुसार विद्यालयका बालबालिकालाई शैक्षिक सामग्री र वृद्धवृद्धालाई न्यानो कपडा वितरण गर्ने कार्यक्रम रहेकाले स्वास्थ्यचौकीबाहेक सबैलाई विदा दिएको जनाएको छ । 

प्रधानमन्त्री ओलीले आज ६९ औं जन्मदिन मनाउँदै छन् । ओलीले आजै आठराईको छातेढुङ्गाको सुकेपोखरी, आफ्नो जन्मघर हुँदै ताप्लेजुङ्गको ढुङ्गेसाँघुस्थित मदन भण्डारीको जन्मघरसम्म जोड्ने मोटरबाटोको शिलान्यास गर्ने कार्यक्रम रहेको छ ।

यस्तै जन्मघरमा हुने कार्यक्रममा उनले नेपाल बैंकको शाखा कार्यालय उद्घाटन गर्ने छन् । तेह्रथुममा जन्मिएका ओली पछि झापा बसाईसरेका हुन् ।

यसमा तपाइको मत

Your email address will not be published.


*