एक पैदलयात्रीलाई ठक्कर दिएर गाडी फरार, घटनास्थलमै मृत्यु भएपछि राजमार्ग अवरूद्ध 

सिन्धुलीमा गाडीले ठक्कर दिँदा एक पैदलयात्रीको मृत्यु भएको छ । गाडीले पैदलयात्री गोलन्जोर गाँउपालिका ७- पलाँसेस्थित वीपी राजमार्गमा ५५ वर्षीय नन्दलाल श्रेष्ठलाई ठक्कर दिँदा घटनास्थमै मृत्यु भएको हो ।

गाडीले श्रेष्ठलाई ठक्कर दिएर भागेपछि आफन्तहरूले करिब ६ घण्टा राजमार्ग अवरूद्ध समेत गरेका छन् । सिन्धुलीका सिडिओ जनार्दन गौतमका अनुसार अहिले पनि एकतर्फी रुपमा मात्रै सडक सञ्चालनमा आएको जनाएको छ ।  

ठक्कर दिएर भाग्ने गाडीको नम्बर पनि खुल्न नसकेको सिन्धुलीका एसपी रञ्जु सिग्देलले जनाएको छ ।