भारतीय नोटसहित मकवानपुरबाट एक युवक पक्राउ 

अवैध भारतीय नोटसहित प्रहरीले एक युवकलाई पक्राउ गरेको छ ।  आइतबार मकवानपुरको भीमफेदी गाउँपालिका वडा नम्बर १ भैंसेस्थितबाट भारत बिहारको मोतिहारी ग्राम किसमपुर थाना पिपराकोठी बस्ने २४ वर्षीय निरज कुमार जैसवाललाई पक्राउ गरेको हो । 

हेटौंडाबाट काठमाडौंतर्फ जाँदै गरेको ना १ ज ३३५१ नं। को यात्रुवाहक सुमोलाई रोकी चेकजाँच गर्ने क्रममा जैसवालको साथबाट १ लाख ८३ हजार ४ सय ८० भारतिय रुपैयाँ र २ लाख २० हजार २ सय २५ नेपाली रुपैयाँ फेला परेपछि निजलाई पक्राउ गरिएको हो । 

बरामद नोटसहित जैसवाललाई थप आवश्यक अनुसन्धान तथा कारबाहीको लागि पथलैया बारा पठाईएको जिल्ला प्रहरी कार्यालय मकवानपुरले जनाएको छ ।