रंगभेदविरुद्ध फेसबुकमा थ्रीस्टारको पोष्ट

मकवानपुर । रंगभेदविरुद्ध थ्रीस्टार क्लबले आवाज उठाएको छ । शहीद स्मारक ए डिभिजन क्लब थ्रीस्टारले आफ्नो क्लबको अफिसियल फेसबुक पेजमा स्टाटस सहित कप्तान विक्रम लामा र अफ्रिकन खेलाडी गोलकिपर गियोम एनजङगा फोटो पोष्ट गरेर रंगभेदविरुद्ध बोलेको हो ।

‘हामी साथमा हुँदा बलियो छौं,’ थ्रीस्टारले फेसबुक पेजमा लेखेको छ ।

अमेरिकामा गोरा जातिका प्रहरी अधिकारीले मे २५ मा अश्वेत नागरिक जर्ज फ्लोयडलाई हत्कडी लगायर घाँटी थिची हत्या गरेको विरोधमा अहिले अमेरिकामा आन्दोलन चलिरहेको छ ।

हप्ता दिनभन्दा लामो समयदेखि चलिरहेको आन्दालनमा विभिन्न माध्यमबाट विश्व समुदायले पनि समर्थन जनाउँदै आएको छ ।

खेलाडी, क्लब र विभिन्न निकायहरुले फ्लोयड हत्याको घटनाको निन्दा गर्दै रंगभेद जस्ता कुनै पनि किसिमका भेदभावको अन्त्यको माग भइरहेको छ ।