राष्ट्रिय महिला लिग फुटबल माघ ७ गतेबाट

काठमाडौं । अखिल नेपाल फुटबल संघ एन्फाले राष्ट्रिय महिला लिगको तयारी पुरा गरेको जनाएको छ । आगामी जनवरी २० (माघ ७) बाट शुरु गर्नगरी राष्ट्रिय महिला लिगको तयारी पुरा गरेको जनाएको हो।

एन्फाको अनुसार प्रतियोगिताको उद्घाटन र फाइनल खेल त्रिपुरेश्वरस्थित दशरथ रंगशालामा हुनेछ । खेल सातदोबाटो स्थित एन्फा कम्प्लेक्समा हुने जनाएको छ ।

प्रतियोगितामा विराटनगर महानगरपालिका, चन्द्रपुर नगरपालिका रौतहट, वालिङ नगरपालिका स्याङजा, चौदण्डगढी नगरपालिका उदयपुर, नेपाल एपीएफ क्लब, त्रिभुवन आर्मी क्लब र नेपाल पुलिस क्लब सहभागि हुने जनाइएको छ ।

प्रतियोगितमा पहिलोदेखि तेस्रो स्थानसम्म हासिल गर्ने टिमले क्रमश १५ लाख, ८ लाख र ५ लाख पुरस्कार गरिने छ ।

त्यस्तै उत्कृष्ट स्ट्राइकर, मिडफिल्ड, डिफेन्स, गोलकिपर र प्रशिक्षकलाई ५० हजार, बेस्ट प्लेयर अफ दी लिगले स्कुटर प्राप्त गर्नेछन्।

हरेक टिममा २३ खेलाडी र सात अफिसियल गरी ३० जना रहने छन् भने टिमले प्रतियोगिताका लागि चार विदेशी खेलाडी पनि भित्र्याउन पाउनेछन्।