काङ्ग्रेसको उपसभापति पदको मतगणना आज हुने

मकवानपुर । नेपाली काङ्ग्रेसको १४ औं महाधिवेशन अन्तर्गत बुधबार उपसभापति पदको मतगणना हुने भएको छ ।

पार्टी कार्यालय सानेपामा अपरान्ह ४ बजेपछि मतगणना हुने निर्वाचन समिति सदस्य सीताराम केसीले जानकारी दिए । उपसभापति पदको मतगणना सकिएपछि मात्र महामन्त्रीको गणना हुने उनले बताए । काङ्ग्रेसमा सभापति पदको नतिजा भने आइसकेको छ ।

मंगलबार राति सार्वजनिक मत परिणाम अनुसार सभापतिमा २ हजार ७ सय ३३ मत ल्याएर शेरबहादुर देउवा निर्वाचित भएका छन् ।