फाखेलमा बडादशै कप २०७५ फुटबल प्रतियोगिता आजबाट शुरु ।

आशबहादुर तामाङ्ग 

फाखेल, आश्विन २३ । मकवानपुरको इन्द्रसरोवर गाउँपालिका वडा नम्बर ४ फाखेलमा पालिका स्तरीय बडादशै कप २०७५ फुटबल प्रतियोगिता आजबाट शुरु भएको छ । नव लालिमा युवा क्लब फाखेल पुरण्डीको आयोजनामा हुन गईरहेको खेलमा १७ टिम सहभागि रहेका छन् । 
आज पहिलो दिन भएको प्रतियोगितामा लिटल स्टार युवा क्लब ए र  कुलेखानी जुनियर क्लब १्१ गोलको बराबरी भएको छ भने, दोस्रो खेलमा लिटल स्टार युवा क्लबसँग २ गोलको अग्रता लिदैं स्मल स्टार बिजयी भएको थियो । त्यस्तै आजै भएको तेस्रो खेलमा 
कुलेखानी खानिखेत युवा क्लबले खेप्पा फुटबल क्लबलाई ७ गोल गरेको छ । त्यस्तै चौथो खेलमा मुनाल युवा क्लबको २ का विरुद्ध लिटल स्टार युवा क्लब(सी) ले ४ गोलले अग्रता लिएको छ । 
प्रतियोगितामा प्रथम हुनेले नगद ५० हजार र शिल्ड मेडल प्रमाण पत्र, उपबिजेताले नगद २० हजार नगद, शिल्ड मेडल प्रमाण पत्र र तृतीय हुने टिमले नगद १० हजार र शिल्ड मेडल प्रमाण पत्र प्राप्त गर्ने छन् ।