उसुमा दिपक र करातेकी अनुपमा दिलाए नेपालकालागि स्वर्ण  

१३ औँ दक्षिण एसियाली खेलकुद प्रतियोगिता (साग) को चौँथो दिन उसुको थाउलो नानगुनमा नेपालका दिपक हमालले स्वर्ण जितेका छन् । लगनखेलस्थित आर्मी कभर्डहल भएको प्रतिस्पर्धामा दिपकले १९.३२ अंक ल्याएर स्वर्ण जितेका हुन् ।

दिपकले भारतका साजन लामालाई हराउदै स्वर्ण पदक जितेका हुन भने भारतले रजत र बंगलादेशका अमीर हुसेनले कास्य जिते ।

त्यस्तै नेपालका लागि करातेकी अनुपमा मगरले स्वर्ण पदक जितेकी छिन् । अनुपमाले दिवंगत आमालाई स्वर्ण पदक समर्पण गरेकी छन् ।

कराँतेको कुमतेमा ६८ केजी माथि तौल समूहमा मगरले  ६–३ अंकले पाकिस्तानी खेलाडी नरगिसलाई पराजित गर्दै स्वर्ण पदक जित्न सफल भएकी हुन् । नरगिस एसियन गेम्सकी कास्य पदक विजेता हुन् ।

उनको यो डेब्यू सागमा पहिलो स्वर्ण हो । त्यसमाथि एसियन गेम्समा काश्य पदक विजेतालाई हराउन पाउनु अर्को सुखद संयोग रहृयो ।