प्रदेश २ का राज्यमन्त्रीलाई सांसद दासले किन हानिन् थप्पड ?

प्रदेश २ का कृषि राज्यमन्त्री योगेन्द्र यादवलाई नेपाली कांग्रेसकी प्रदेश सभा सदस्य प्रमिला देवी दासले थप्पड  हानेकी छिन् ।

उपभोक्ता समितिको भुक्तानीलाई लिएर सोमबार नेकपाले र नेपाली कांग्रेसका प्रदेश सभा सदस्यले प्रदेश सभा बैठक अवरुद्ध गरेका थिए।

आज मंगलबार दिउँसो समेत प्रदेश सभाको बैठक बसेलगत्तै नेपाली कांग्रेसका प्रदेश सभा सदस्यले उपभोक्ता समितिको भुक्तानीको सम्बन्धमा सरकारले जवाफ दिनु पर्ने भन्दै बैठक अवरूद्ध गरेलगत्तै सदस्य दासले प्रदेश सरकारको काम कारबाहीको चारैतिर विरोध भए पनि सरकार मन्त्री लाज पचाएर बसेको भनेपछि प्रदेश सभा सदस्य दास र मन्त्री यादवबीच केहीबेर भनाभन भएको थियो । त्यत्तिकैमा प्रदेश सभा सदस्य दासले मन्त्रीमाथि थप्पड प्रहार गरेकी हुन्।