रातोमाटेमा  जिप्रका बाराका प्रमुख प्रशासकीय अधिकृतको स्कोर्पियो गाडी दुर्घटना

हेटौंडा उपमहानगरपालिका वडा नं. १५ रातोमाटेमा स्कोर्पियो दुर्घटना भएको छ ।  जिल्ला प्रशासन कार्यालय बाराका प्रमुख प्रशासकीय अधिकृत शेर बहादुर थापा सवार ना १ ज १५८५ नम्बरको स्कोर्पियो गाडी दुर्घटना भएको हो ।

कलैयाबाट काठमाडौं हिडेका अधिकृत थापा चढेको स्कोर्पियो लाई हेटौँडाबाट पथलैयातर्फ जाँदै गरेको ना ८ ख ७२४४ नम्बरको ट्रकले ठक्कर दिँदा दुर्घटना भएको जिल्ला प्रहरी कार्यालयले जनाएको छ ।  

निजि प्रयोजनका लागि थापाले कार्यालयमा बिदा लिएर घर जाँदै गरेको अवस्थामा दुर्घटनामा परेको प्रहरीले जनाएको छ । 

प्रहरीका अनुसार दुर्घटनामा कुनै पनि मानबीय क्षती भने नभएको तर सवारीमा भने क्षती पुगेको बताइएको छ ।