रोनाल्डोको ह्याट्रिकमा युभेन्ट्सको जित

स्टार खेलाडी क्रिस्टियानो रोनाल्डोको ह्याट्रिकमा युभेन्ट्सले सिरी ए फुटबलमा सहज जित निकालको छ ।

सोमबार राति भएको खेलमा युभेन्ट्सले कालझ्यारीलाई ४–० गोल अन्तरले पराजित गरेको हो ।

घरेलु मैदानमा भएको खेलमा युभेन्ट्सलाई जित दिलाउन रोनाल्डोले ह्याट्रिक गरे । खेलको ४९ औँ मिनेटमा गोल गर्दै रोनाल्डोले घरेलु टोलीलाई अग्रता दिलाए । पहिलो हाफमा १–० गोलको अग्रता बनाएको युभेन्ट्सले दोस्रो हाफमा थप तीन गोल गरेको थियो ।

६७ औँ मिनेटमा रोनाल्डोले पेनाल्टी मार्फत व्यक्तिगत दोस्रो गोल गर्दै युभेन्ट्सको अग्रता दोब्बर पारे । ८१ औँ मिनेटमा गोन्जालो हिगुइनले गोल गर्दै युभनेन्ट्सको अग्रता ३–० मा ल्याए । त्यसको एक मिनेट पछि रोनाल्डोले ह्याट्रिक पूरा गरे ।

जितसँगै युभेन्ट्स १८ खेलबाट ४५ अंक सहित तालिकाको दोस्रो स्थानमा छ । शीर्ष स्थानको इन्टर मिलानको बराबरी अंक भए पनि गोल अन्तरका आधारमा शीर्ष स्थानमा छ ।

पराजित कालझ्यारी २९ अंक सहित तालिकाको छैटौं स्थानमा छ । एजेन्सी