शहीद स्मारक ए डिभिजन लिगः पुलिस क्लबको जावलाखेल माथि सहज जित

जारी शहीद स्मारक ए डिभिजन लिगमा नेपाल पुलिस क्लबले जावलाखेल युथ क्लब माथि सहज जित हासील गरेको छ । आज शनिबार भएको खेलमा पुलिसले जावलाखेललाई २–० ले पराजित गर्दै जित हात पारेको हो ।

सौजन राई र कप्तान सुमन सुवेदीले गोल गर्दौ पुलिसले जावलाखेललाई सजिलै पाखा लगाएको हो ।

एन्फा कम्पेलक्स सातदोबाटोमा भएको खेलमा पुलिसले दुवै हाफमा एक–एक गोल गरेको थियो । खेलको २६औं मिनेटमा सौजन राईले गोल गर्दै पुलिसलाई अग्रता दिलाएका थिए भने ४८औं मिनेटमा सुमन सुवेदीले पुलिसका लागि दोस्रो गोल गरेका हुन् ।

७ खेल खेलिसकेको पुलिसले ३ जित र दुई बराबरीबाट ११ अंक जोडेको हो । पुलिसले दुई खेलमा हार बेहोरेको थियो ।

पुलिस तेस्रो स्थानको मनाङ मर्स्याङ्दी १२ भन्दा एक अंकले पछि छ भने पाँचौ स्थानको थ्रीस्टार १० भन्दा एक अंक अघि छ । दुवै क्लबले समान ३ खेल जितेका छन् ।