बागमती प्रदेश अन्तर्गत १३ वटै जिल्लाका पदाधिकारीले लिए सपथ, मकवानपुरका तीन जना अनुपस्थित

१३ वटै जिल्लाका खेलकुद विकास समितिका पदाधिकारीले सपथ लिएका छन् । बगमती प्रदेशको राजधानी हेटौंडास्थित सामाजिक विकास मन्त्रालयमा जिल्ला खेलकुद विकास समितिका अध्यक्ष एवम् सदस्यहरुले सपथ लिएका हुन् ।

चार सदस्यसहित अध्यक्षलाई प्रदेश खेलकुद विकास परिषद्का सदस्य सचिव सूर्यलाल भण्डारीले सपथ ग्रहण गराएका हुन् । सपथ ग्रहणसंगै सम्बन्धित जिल्लाका अध्यक्ष र सदस्यलाई नियुक्ति पत्र समेत प्रदान गरिएको छ । 

जिल्ला खेलकुद विकास समिति मकवानपुरको सदस्यमा चयन भएका तीन पदाधिकारीहरु भने अनुपस्थित भएका छन् ।  मकवानपुरका लवराज ठकुरी, परमावती गोपाली सुमित्रा र भोजराज पराजुलीले समिति सदस्यमा सपथ नलिएका हुुन् ।

सामाजिक विकास मन्त्री युवराज दुलालको अध्यक्षतामा बसेको प्रदेश खेलकुद विकास परिषद्ले गत माघ ७ गते १३ वटै जिल्ला खेलकुद विकास समितिको अध्यक्ष र सदस्य चयन गरेको थियो ।