मकवानपुरको राक्सिराङबाट ९ किलो गाँजा बरामद 

मकवानपुर प्रहरीले राक्सिराङ गाउँपालिका–२ च्याम्राङ डाँडाबाट लागूऔषध गाँजा बरामद गरेको छ ।

आईतबार प्रहरीले राक्सिराङ च्याम्राङ डाँडाबाट करिब ९ किलो लागूऔषध गाँजा बरामद गरेको जिल्ला प्रहरी कार्यालय मकवानपुरले जनाएको छ ।

प्रहरी चौकी चैनपुरबाट खटिएको गस्ती टोलीले अपरिचित व्यक्तिले प्लास्टिकको झोला छोडेर फरार भएपश्चात प्रहरीले झोला तालसी गर्दा उक्त परिमाणमा लागूऔषध गाँजा बरामद गरेको हो ।

फरार व्यक्तिको खोजीकार्य भइरहेको मकवानपुर प्रहरीले जनाएको छ ।