छोराले ईट्टा प्रहार गर्दा बाबुको मृत्यु 

कपिलवस्तुमा छोराको ईट्टा प्रहारबाट बावुको मृत्यु भएको छ । बावु चन्द्रबहादुर जिसीको हत्या आरोपमा शिवराज नगरपालिका–९ तुरुन्तपुरका ३२ वर्षीय बसन्त जिसिलाई पक्राउ गरेको हो । 

घरयसी विवादका कारण छोराले इँट्टाले हानेपछि गम्भीर घाइते भएका चन्द्रबहादुरको चन्द्रदेव संजिवनी अस्पताल चन्द्रौटामा उपचारको क्रममा मृत्यु भएको हो । इलाका प्रहरी कार्यालय सुन्दरीडाँडाबाट खटिएको प्रहरीले  सोमबार साँझ बसन्तलाई पक्राउ गरेको हो ।

यस सम्बन्धमा थप अनुसन्धान भइरहेको प्रहरीले जनाएको छ।