हेटौंडामा मोटरसाईकल दुर्घटना हुँदा एक जनाको मृत्यु 

मकवानपुरको हेटौंडा–१० मा मोटरसाइकल दुर्घटना हुँदा एक जनाको मृत्यु भएको छ । दुर्घटनामा मकवानपुरको साविक हाडीखोला–२ बस्ने ३१ वर्षीय भीम अर्यालको मृत्यु भएको हो । गएराति ना २७ प ८४२९ नम्बरको मोटरसाईकल दुर्घटना हुदाँ अर्यालको मृत्यु भएको जिल्ला प्रहरी कार्यालयका प्रवक्ता टीकाबहादुर कार्कीले जनाएको छ । 

मृतकको शव हेटौंडा अस्पतालमा राखिएको र मोटरसाइकललाई ठक्कर दिएको आशंकामा ना २ ख ९३३६ नम्बरको ट्रक र चालकलाई नियन्त्रणमा लिएको उनले बताएका छन् ।