दिवेश पोखरेललाई पन्छाउँदै जस्ट साम बनिन् अमेरिकन आइडल

नेपाली युवा दिवेश पोखरेल (अर्थर गन)को चुनौति पन्छाउँदै जस्ट साम अमेरिकन आइडल बनेकी छिन् । अमेरिकाको गायन रियालिटी शो अमेरिकन आइडलको आज भएको फाइनल राउण्डका क्रममा भोटिङका आधारमा साम अमेरिकन आइडल घोषित भएका हुन् ।

दिवेश टप २ मा पुगे पनि उपाधि जित्न पर्याप्त भोट आएन । यद्यपि, अमेरिकन आइडलको फाइनलमा पुग्ने उनी पहिलो नेपाली बनेका छन् ।

उपाधि विजेता २१ वर्षीया जस्ट सामको वास्तविक नाम समन्था डियाज हो । उनी लाइबेरियन मुलकी अश्वेत गायिका हुन् । न्यूयोर्क निवासी सामले मिडल स्कुलदेखि नै न्यूयोर्कका सब(वे र ट्रेनहरुमा गाउने गर्थिन् ।