आज थप ३ सय २३ जनामा कोरोना, हिजोको तुलनामा ४५ जनाले बढी

मकवानपुर । आज नेपालमा थप ३ सय २३ जना थप कोरोना भाईरस संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले केहीबेर अघिको नियमित प्रेस ब्रिफिङका क्रममा आजसम्म नेपालमा १३ जनाले कोरोना कै कारण ज्यान गुमाएको पनि बताएका छन् ।

हिजो नेपालमा २ सय ७८ जना नयाँ संक्रमित देखिएकोमा हिजो शुक्रबारको तुलनामा आज ४५ जना बढी संक्रमित फेला परेका हुन् । आज थपिएका संक्रमितको संख्यासहित नेपालमा कोरोना संक्रमितको संख्या ३ हजार २ सय ३५ पुगेको छ ।

स्वास्थ्य मन्त्रालयका अनुसार आज शनिबारमात्रै ३२ जना कोरोना संक्रमण निको भएको र आजसम्ममा निको हुनेको संख्या ३ सय ६५ पुगेको जनाएको छ ।