मकवानपुरमा भारतीय गाडीको ठक्करबाट एकको मृत्यु

साङ्केतिक तस्वीर

मकवानपुर । मकवानपुरमा भारतीय गाडीको ठक्करबाट एक वृद्धको मृत्यु भएको छ।

सोमबार साँझ हेटौँडा हुँदै चितवनतर्फ जाँदै गरेको एनएल १ एल २४७० नम्बरको भारतीय ग्यास बुलेटले ठक्कर दिँदा उनको घटनास्थलमै मृत्यु भएको प्रहरीले जनाएको छ ।

मृत्यु हुनेमा मकवानपुरको मनहरी गाउँपालिका वडा नम्बर ६ सुनाचुरी बस्ने ७३ वर्षीय जसबहादुर घिसिङ रहेका छन् ।

प्रहरीका अनुसार ठक्कर दिने ग्यास बुलेट र सो बुलेटका चालकलाई नियन्त्रणमा लिएको छ ।

बुलेट चालक भारत मोतिहारी जगदाका ५६ वर्षीय विजय मिश्रलाई नियन्त्रणमा लिई घटनाको विषयमा आवश्यक अनुसन्धान भइरहेको जिल्ला प्रहरी कार्यालय मकवानपुरले जानकारी दिएको छ।