कोरोना भाइरसमा चीनलाई उछिन्दै नेपाल
हेटौडा न्युज
काठमाडौं । नेपालमा विगत एक महिनायता एक हजारदेखि १५ सयसम्म संक्रमित थपिँदै गएका छन् । नेपाल कोरोना संक्रमितको सबैभन्दा धेरै ४८औं सूचीमा रहेको छ ।
चीनको हुवेई प्रान्तको वुहान सहरबाट सुरु भएको कोरोना भाइरस अहिले संसारभर फैलिएको हो ।
वल्र्डोमिटरका अनुसार हालसम्म नेपालमा ७४ हजार ७ सय ४५ जना संक्रमित रहेका छन् । यही ढंगले वृद्धि हुँदै गएमा नेपालमा कोरोना संक्रमणले भयावह रूप लिने निश्चित छ ।
चीनमा कोरोना भाइरस संक्रमणबाट पाँच हजारको मात्र मृत्यु भएको छ ।हालसम्म त्यहाँ ८५ हजार २८४ जना कोरोना संक्रमितको संख्या पुगेको छ । चीन आजका मितिसम्म कोरोना प्रभावित देशको ४४औं स्थानमा छ ।
तर, चीनमा महामारी रूप लिँदासमेत नेपालमा नदेखिएको कोरोनाले आज चीनलाई नै उछिन्ने अवस्थामा पुगेको देखिन्छ । अबको चार पाँच दिनभित्रै नेपालमा चीनको भन्दा पनि बढी कोरोना सक्रमितको संख्या हुने निश्चित छ ।
नेपालमा हालसम्म कोरोना संक्रमणबाट मृत्यु हुनेको सख्या चार सय ८० पुगेको छ । तर, संक्रमितको दर भने चीनको हाराहारीमा पुगिसकेको छ ।
