काठमाडौंमा सुरक्षा गार्ड र सहचालक बिच झडप
हेटौडा न्युज
काठमाडौं । बस पार्किङको विषयमा विवाद हुँदा सुरक्षा गार्ड र सहचालकको एक समूहबीच झडप भएको छ । काठमाडौंको नयाँ बसपार्कमा बस पार्किङको विषयमा विवाद हुँदा सुरक्षा गार्ड र सहचालकको एक समुह बिच झडप भएको हो ।
नयाँ बसपार्कमा बस पार्किङको विषयमा विवाद हुँदा त्यहाँ कार्यरत दुई सुरक्षा गार्डले एक सहचालकलाई हातपात गरेको प्रहरीले जनाएको छ ।
प्रहरीका अनुसार बसपार्कमा कार्यरत सुरक्षा गार्ड लमजुङका ३८ वर्षीय सुनबहादुर गुरुङ र चितवनका ३३ वर्षीय सुरेन्द्र श्रेष्ठले ती सहचालकलाई हातपात गरेका थिए ।
उनीहरुले सहचालकमाथि हातपात गरेपछि अन्य सहचालक समेत आएर सुरक्षाकर्मीसँग विवाद गर्न थालेपछि दुई पक्षीय झपड भएको प्रहरीको भनाइ छ ।
सहचालकलाई कुटपिटमा संलग्न दुई सुरक्षा गार्डलाई नियन्त्रणमा लिइएको प्रहरीले जनाएको छ ।
प्रहरी हस्तक्षेपपछि अवस्था सामान्य बनेको र घटनाबारे अनुसन्धान भइरहेको प्रहरीको भनाइ छ ।
