कोरोना संक्रमणका कारण हेटौंडामा थप एक जनाको मृत्यु

मकवानपुर । कोरोना भाइरस संक्रमणका कारण हेटौंडामा थप एक जनाको मृत्यु भएको छ । कोरोना संक्रमणबाट हेटौंडा– ५ की ६४ वर्षीया एक महिलाको मृत्यु भएको हो ।

शुक्रबार बिहान मृत्यु भएकी ती महिलामा गत कात्तिक २८ गते कोरोना संक्रमण पुष्टि भएको थियो ।

मृतकको घरमा वडा प्रहरी कार्यालय हेटौँडाका प्रहरी निरीक्षक कृष्ण प्रसाद बिष्टसहितको टोली पुगेको जनाएको छ ।

उनको शव नेपाली सेनाको टोलीले व्यवस्थापन गर्ने तयारी भईरहेको जनाएको छ ।

यो सँगै मकवानपुरमा कोरोना संक्रमणका कारण मृत्यु हुनेको संख्या २९ पुगेको छ ।