अपहरणमा परेका मनहरीका शिशुको उद्दार
हेटौडा न्युज
मकवानपुर । मनहरी गाउँपालिकाले अपहरणमा परेका एक शिशुको उद्दार गरेको छ । दुई महिनादेखि अपहरणमा परेका मकवानपुरको मनहरी गाउँपालिका–६ जोगीतालका ४ महिने शिशुको गाउँपालिकाको सक्रृयतामा उद्दार गरिएको हो ।
जोगीतालका सोमबहादुर तामाङ र सीतामाया तामाङको ४ महिने छोरा कृष्ण मंसिर ३ गते साँझदेखि अपहरणमा परेका थिए ।
पारिवारिक नाता पर्ने आफन्तले नै अपहरण गरेर भारतको राजस्थान पु¥याएका शिशुलाई मनहरी गाउँपालिकाले उद्दार गरेको हो ।
गाउँपालिकाको टिमले भारतको राजस्थान हुँदै सिकरको खाङ्गडीबाट शिशुको सकुसल उद्दार गरेको हो ।
शिशु अपहरणमा परेको दुई महिनापछि गाउँपालिकाले उद्दारको लागि टिम बनाएको थियो ।
नेपाल प्रहरी, माइती नेपाल काठमाडौ, एनसीआरसी, मिसन रेस्क्यू अप्रेसन दिल्ली, राजस्तान मुक्ती धारा, सिविन नेपाल लगायतको टोलीले शिशुको उद्दार गरेको हो ।
अपहरणको बिषयमा पुष १७ गते जानकारी भएपछि गाउँपालिकाले खोजी कार्यलाई अघि बढाएको थियो । उद्दारको खर्च गाउँपालिकाले व्यहोर्ने निर्णय भएको थियो ।
गाउँपालिकाको तर्फबाट वडा सदस्य पुस्कर सुवेदी, शिशुको आमा, माइती नेपालका माया लामा तथा प्रहरीको टोली राजस्थान पुगेको थियो ।
