शनिबार मकवानपुरमा ६ जनाले जिते कोरोना

मकवानपुर। शनिबार मकवानपुरमा ६ जना कोरोना भाइरस सङ्क्रमण मुक्त भएका छन् ।

पछिल्लो २४ घण्टामा ५० जनामा कोरोना पुष्टि भएकोमा ६ जना कोरोना सङ्क्रमण मुक्त भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १४ हजार ७ सय २४ जनामा कोरोना पुष्टि भएकोमा १४ हजार २ सय ४२ जना सङ्क्रमण मुक्त भएका छन् ।

अहिले मकवानपुरमा ३ सय २२ जना सक्रिय सङ्क्रमित रहेका छन् । कोरोनाकै कारण मकवानपुरमा हाल सम्म एक सय ६० जनाको मृत्यु भएको छ ।