बुधवार मकवानपुरमा ६ जनामा कोरोना पुष्टि

मकवानपुर । बुधवार मकवानपुरमा ६ जनामा कोरोना भाइरस सङ्क्रमण पुष्टि भएको छ ।

पछिल्लो २४ घण्टामा ५६ जनाको पीसीआर र ३ जनाको एन्टीजेन गरी जम्मा ५९ जनाको कोरोना परिक्षण गर्दा ६ जनामा कोरोना सङ्क्रमण पुष्टि भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १५ हजार ५ सय ९१ जनामा कोरोना पुष्टि भएकोमा १५ हजार ३ सय १३ जना सङ्क्रमण मुक्त भएका छन् ।

अहिले मकवानपुरमा १ सय ११ जना सक्रिय सङ्क्रमित रहेका छन् । कोरोनाकै कारण मकवानपुरमा हाल सम्म एक सय ६७ जनाको मृत्यु भएको छ ।