बनकरिया बस्तीमा रेडियो सरोवरको तीज

हेटौंडाको रेडियो सरोवर ९२.५ मेगाहर्जले मकवानपुरको वनकरियाहरुलाई तीजको दर खुवाउने भएको छ । मकवानपुर घरजग्गा व्यवसायी संघको सहयोगमा रेडियो सरोवरले भोलि बिहीबार मनहरी गाउँपालिका–४ हाँडिखोलाको बनकरियाहरुलाई दर खुवाउन लागेको जनाएको छ ।

नजिकिँदै गरेको हरितालिका तीजको अवसरमा विभिन्न संघसंस्था तथा राजनितिक दलहरुले दरखाने कार्यक्रमको आयोजना गरिरहेको सन्दर्भमा समाजमा सकारात्मक सन्देश दिने उद्धेश्यले वनकरिया बस्तीमा गएर तीजको दरखाने कार्यक्रमको आयोजना गर्न लागिएको रेडियोका स्टेशन म्यानेजर राजु शाश्वत लामिछानेले बताएका छन् ।

खुशी होऔँ, खुशी बाडौँ नाराका साथ रेडियो सरोवरले सो कार्यक्रम आयोजना गर्ने भएको हो । रेडियोले गत वर्ष पनि बनकरिया बस्तीमा तीजको दरखाने कार्यक्रमको आयोजना गरेको थियो । हाल बनकरिया जाति लोपोन्मूख जातिका रुपमा रहेका छन् ।