सवारी नियम उलंघन गर्ने ५२ जना सवारी चालक कार्वाहीमा

हेटौडा न्युज
७ कार्तिक २०७६, बिहीबार ००:४३
;

जिल्ला ट्राफिक प्रहरी कार्यालय मकवानपुरले आज विभिन्न स्थानमा गरेको सवारी चेकजाँचको क्रममा सवारी नियम उलंघन गर्ने ५२ जना सवारी चालकलाई कार्वाही गरेको छ । ट्राफिक प्रहरीले सवारी चालक अनुमतिपत्र प्राप्त नगरी सवारी चलाउने १२ वटा ३ पांग्रे अटोलाई कार्वाही गरेको छ । त्यस्तै क्षमता भन्दा बढी भार बोक्ने टिपर १३ वटा, नम्बर प्लेट नराखी सवारी सञ्चालन गर्ने २ वटा अटो, सिट क्षमता भन्दा बढी यात्रु बोक्ने जीप, भ्यान ५ वटालाई कारवाही गरेको जिल्ला ट्राफिक प्रहरी कार्यालय मकवानपुरले जनाएको छ । 
कार्वाहीमा परेका सवारी चालकहरुलाई सडक सुरक्षा सम्बन्धी कक्षा लिइनुका साथै ट्राफिक जनचेतना मूलक पर्चा पम्प्लेट समेत वितरण गरिएको जिल्ला ट्राफिक प्रहरी कार्यालय मकवानपुरका प्रमुख प्रहरी निरीक्षक हरिविष्णु ढकालले बताएका छन् । आजको कार्वाहीबाट जरिवाना स्वरुप करीब ५७ हजार रुपैया राजश्व संकलन भएको बताईएको छ । 
 

यसमा तपाइको मत

Your email address will not be published. Required fields are marked *


*