हेटौंडा बस्तीपुरमा सिसि क्यामेरा जडान

हेटौडा उपमहानगरपालिका वडा नम्बर १९ बस्तीपुर बजार क्षेत्रमा सिसि क्यामेरा सञ्चालनमा ल्याईएको छ । करीब २ बर्षदेखि हेटौंडा बजार क्षेत्रमा भएका सिसि टिभी क्यामरा मर्मत नभईरहेको परिप्रेक्ष्यमा बस्तीपुरमा भने क्यामेरा जडान गरी केही आशा पलाएको छ । 
हिजो मंगलबार एक कार्यक्रमका बीच हेटौडाका नगर प्रमुख हरिबहादुर महत र मकवानपुर प्रहरी प्रमुख मुकेशकुमार सिंहले संयुक्त रुपमा उद्घाटन गरेका थिए ।

बस्तीपुर बजार क्षेत्रका १४ वटा सिसि टिभी क्यामेरा जडान गरिएको  छ । करीब सात लाख रुपैयाको लागतमा जडान गरिएको क्यामेराको साँचो नगरप्रमुख महतले जिल्ला प्रहरी कार्यालय मकवानपुरका प्रहरी प्रमुख सिंहलाई हस्तान्तरण गरेका थिए । कार्यक्रममा प्रहरी प्रमुख सिंहले सिसि टिभी क्यामराले सो स्थानमा हुने अपराधिक गतिविधिमा कमी आउने विश्वास व्यक्त गरेका थिए । 
समुदायको एक लाख २५ हजार रुपैया, १९ नम्बर वडा कार्यालयको ३ लाख रुपैयाँ र केही व्यवसायीहरुको रकमबाट सिसि क्यामेरा खरीद गरिएको हो । सिसि क्यामेराको इलाका प्रहरी कार्यालय नेवारपानीले मनिटरिङ्ग गर्ने जनाईएको छ ।