ट्रकको ठक्करबाट बालिका घाइते, कोहलपुर तनावग्रस्त 

ट्रकको ठक्करबाट एक स्कुले बालिका घाइते भएपछि बाँकेको कोहलपुरमा तनावपूर्ण अवस्था सृजना भएको छ । नेपालगञ्ज सडकखण्डमा पर्ने हाइस्कुल चोकमा आज आइतबार बिहान ट्रकले एक स्कुले बालिकालाई ठक्कर दिएको थियो ।

घटनाको विरोधमा स्थानीयले टायर बालेर सडक अवरूद्ध पारेका थिए । उनीहरुले उक्त ट्रकमा आगजनी समेत गरेका छन् । अवस्था तनावपूर्ण बन्दै गएपछि प्रहरीले बल प्रयोग गर्दा आक्रोशित समूह र प्रहरीबीच ढुंगा हानाहान भएको थियो ।

आक्रोशित भीडले इलाका प्रहरी कार्यालय कोहलपुरमा पनि ढुंगामुढा गरेपछि भीडलाई नियन्त्रणमा लिन प्रहरीले केही राउन्ड अश्रुग्यास प्रहार गरेको छ ।