गाउँपालिकाका अध्यक्ष राउतलाई पक्राउ गरी जेल चलान

सवारी ज्यान मुद्दामा बाराको विश्रामपुर गाउँपालिका अध्यक्ष अमिरिलाल राउत जेल चलान भएका छन् ।

आइतबार सवारी ज्यान मुद्दामा बारा प्रहरीले पक्राउ गरेको राउतलाई आइतबार नै जेल चलान गरिएको बाराका प्रहरी प्रमुख विकाशराज खनालले जानकारी दिए । उनलाई २९ दिनसम्मका लागि कारागार चलान गरिएको हो।

‘जिल्ला अदालत बाराले उहाँविरुद्ध २०६३ साल भदौ २९ गते सवारी ज्यानमुद्दामा २९ दिन कैद र २ हजार रुपैयाँ जरिवानाको फैसला सुनाएको रहेछ,’ उनले भने, ‘त्यही मुद्दाको कैद भुत्तानका लागि आज नै कारागार चलान गरिएको हो।’