गुण्डागर्दीमा गरेको आरोपमा दुई जना पक्राउ

प्रहरीले गुण्डागर्दीमा संलग्न दुई जनालाई पक्राउ गरेको छ ।

महानगरीय अपराध नियन्त्रण महाशाखाले  काठमाडौँ उपत्यकामा सर्वसाधारण मानिस तथा व्यापारीलाई फोनमार्फत धम्काई रकम माग गर्ने र नदिएमा हातहतियार देखाई ज्यान मार्ने जसता कार्य गरेको आरोपमा पक्राउ गरेको प्रहरीले जनाएको छ ।

पक्राउ पर्नेमा नवलपुर देवचुलीका दुर्गा भनिने देवान राई र काभ्रे नमोबुद्ध नगरपालिकाका विष्णुबहादुर धिताल रहेका छन् ।  महाशाखाका अनुसार उनीहरुले सर्वसाधारण मानिसलाई डर धम्की देखाइ रकम माग गर्ने, ज्यान मार्ने धम्की दिने जस्ता अपराधिक कार्य गदै आएका थिए । उनीहरुविरुद्ध प्रहरीमा उजुरीसमेत परेको जनाइएको छ ।