छतबाट खसेर ५ वर्षीया बालिकाको मृत्यु

घरको छतबाट खसेर ५ वर्षीया बालिकाको मृत्यु भएको छ । काठमाडौंको टोखा नगरपालिका-६, ग्रिनल्याण्ड स्कुलमा अध्ययनरत् अनिषा पौडेलको मृत्यु भएको हो ।

बुधबार स्कुलबाट फर्किएर खेलिरहेका बेला ५ तलामाथिबाट खसेको महानगरीय प्रहरी वृत्त, महाराजगञ्जका डीएसपी उमेश लम्सालले जनाएको छ ।

लम्सालका अनुसार ‘प्रहरी र स्थानीयले केहीबेरमै  खोपिएको रड काटेर बालिकालाई ग्राण्डी अस्पताल पुर्‍याएका थिए’, ‘तर, अस्पतालले मृत घोषित गरिदियो ।’

 त्रिवि शिक्षण अस्पताल, महाराजगञ्जमा पोष्टमार्टम गरेपछि पौडेलको अन्त्येष्टि गरिसकिएको जनाइएको छ ।