ट्यांकरले दियो छ वटा गाडीलाई ठक्कर, चालक फरार

 सोह्रखुट्टेमा  ब्रेक फेल भएको एक पानी बोक्ने ट्यांकरले छ वटा गाडीलाई ठक्कर दिएको छ।

मंगलबार बिहान गोल्फुटारबाट आइरहेको बा ३ ख ९४५० नम्बरको पानीले भरिएको ट्यांकर ‌ओह्रालोमा ब्रेक फेल भएपछि पाँच गाडी र एक मोटरसाइकललाई ठक्कर दिएको हो।

गाडीलाई ठोक्दै गुडेको ट्यांकर घरमा ठोक्किए रोकिएको थियो । ट्यांकर ठोक्किएको घरमा सामान्य क्षति भएको छ।

ट्यांकरले चार वटा कार, एक बस र एक मोटरसाइकललाई ठक्कर दिएको  महानगरीय प्रहरी वृत्त सोह्रखुट्टे असई बसन्त थापाले जानकारी दिए।  उनका अनुसार  ट्यांकर चालक फरार छन्।