नक्कली सुनसहित दुईजना पक्राउ

एक किलोग्राम नक्कली सुनसहित दुईजनालाई नेपाल प्रहरीले पक्राउ गरेको छ ।
सुनसहित मोरङका २२ वर्षीय भुपाल लिम्बू र पाँचथरका २४ वर्षीय अरुण राईलाई सोमबार राति  नयाँबसपार्कस्थित तनहुँ होटलबाट महानगरीय प्रहरी वृत्त महाराजगञ्जको टोलीले  पक्राउ गरेको हो ।

वृत्तका प्रमुख उमेश लम्सालले नक्कली सुुनलाई सक्कली सुन भनेर ठगी गर्न लागेको अवस्थामा पक्राउ गरिएको जानकारी दिए । पक्राउ परेकासँग आवश्यक अनुसन्धान भइरहेको जनाइएको छ ।