ज्यान मुद्दाका फरार चरी समुहका गुण्डा राते पक्राउ

ज्यान मार्ने मुद्दाका फरार चरी समुहका गुण्डा रातेलाई प्रहरीले पक्राउ गरेको छ ।  चरी समूहका गुण्डा राते भन्ने सुजन श्रेष्ठलाई बिहिबार ठमेलबाट प्रहरीले पक्राउ गरेको हो ।  

धादिङ त्रिपुरासुन्दरी गाउँपालिका–५ घर भई हाल नयाँबजार बस्दै आएका राते नामले चिनिने श्रेष्ठलाई  महानगरीय अपराध महाशाखाको विशेष टोलीले पक्राउ गरीएको प्रहरीले जनाएको छ ।

गत ०७५ चैत १८ गते ठमेलस्थित एलओडी क्लब अगाडि रेम्बो भन्ने अजय गुरुङ र रातेले काठमाडौँ महानगरपालिका–२६ ठमेलमा बस्दै आएका विष्णु कठायतमाथि आक्रमण गरेका थिए ।

अजय भने फरार छन् । कठायतलाई पछाडिबाट रडले टाउकोमा हानेर उनीहरु फरार भएका थिए । फरार अजयको प्रहरीले खोजीकार्य जारी राखेको प्रहरीले जनाएको छ ।

रातेलाई थप अनुसन्धानको लागि महानगरीय प्रहरी वृत्त लैनचौर पठाइएको महानगरीय अपराध महाशाखाले जनाएको छ ।