एक युवती मृत अवस्थामा फेला, हत्याको आशंका

सर्लाहीमा एक युवती मृत अवस्थामा फेला परेकी छिन् । सोमबार वाग्मती नगरपालिका–५, टेकानीमा अन्दाजी २५ वर्षीया पूर्णिमा मोक्तान मृतावस्थामा भेटिएकी हुन् ।

वाग्मती–५, मोक्तानटोलकी उनी तीन दिनअघि घरबाट हराएकी मोक्तानको खोजी गर्नेक्रममा मृत अवस्थामा फेला परेकी हुन् ।

शवको प्रकृति हेर्दा हत्या गरिएको हुनसक्ने जिल्ला प्रहरी कार्यालय सर्लाहीका प्रहरी प्रमुख प्रहरी उपरीक्षक विश्वमणि पोखरेलले जनाएको छ । 

शव ‘पोस्टमार्टम’का लागि जिल्ला अस्पताल मलंगवा पठाइएको प्रहरीले जनाएको छ ।  घटना सम्बन्धमा थपअनुसन्धान गरिरहेको प्रहरी प्रमुख पोखरेलले जनाएको छ ।