गहना हत्याउन दुई बुहारीले गरे सासुको विभत्स हत्या

गुल्मीमा सुनका गहना हत्याउन दुई बुहारी मिलेर सासुको विभत्स हत्या गरेका छन् ।

इस्मा गाउँपालिका–३ सिमपानीमा ७६ वर्षीया कौशीला बिकको हत्या उनका दुई बुहारी देवी र लक्ष्मी मिलेर हत्या गरेको प्रहरीले जनाएको छ ।

पुस १७ गते गोरु फुकेको भन्दै कौशीलालाई गोठमा दाउराले प्राहार गरी नाक र कानमा लगाएका गहना लुटेको  जिल्ला प्रहरी कार्यालय गुल्मीका प्रहरी नायव उपरीक्षक ९डीएसपी० मीनबहादुर घलेले दाबी गरेका छन् ।

तर, उनीहरुले गोरुले हानेर गम्भिर घाईते भएको भन्दै छिमेकीलाई खबर गरी अस्पताल कौशीलालाई तम्घासमा उपचार सम्भव नभएपछि बुटलस्थित प्रादेशिक अस्पताल लगिएका उनको उपचारकै क्रममा गत १९ गते मृत्यु भएको हो ।

मृतक कौशीलाको टाउकोमा लागेको चोट हेर्दा गोरुले हानेको जस्तो नदेखेपछि प्रहरीले अनुसन्धानका क्रममा दुई बुहारी मिलेर हत्या गरेको पुष्टि भएको डीएसपी घलले जानकारी दिएका छन् ।

दुवै जनालाई जिल्ला प्रहरी कार्यालय गुल्मीले हिरासतमा राखेर थप अनुसन्धान गरिरहेको जनाएको छ ।