लाख दिएर करोड असुल्ने राजपाका केन्द्रीय सदस्य रामबाबु यादव पक्राउ

हेटौडा न्युज
२३ पुष २०७६, बुधबार २०:२०
;

चर्को ऋण लगानी गरेर सोझासिधा सर्वसाधारण ठगी गर्ने राजपाका केन्द्रीय सदस्य रामबाबु यादवलाई प्रहरीले पक्राउ गरेको छ । चर्को ऋण लगानी गरेर सोझासिधा सर्वसधारण ठगी गरेको भन्दै सर्लाहीका तीन दर्जन पीडित काठमाडौं आएपछि उनलाई पक्राउ गरेको हो ।  सर्लाहीको हरिपुर चेकप्वाइन्टबाट बुधबार जिल्ला प्रहरी कार्यालय सर्लाहीले उनलाई पक्राउ गरेको हो। 

आफूहरुमाथि ठगी गरेको भन्दै काठमाडौं आइपुगेका सर्लाही वरहथवाका रामबाबु राय यादव र ब्रह्मपुरी भित्रुवनगरका सन्जय साह रौनियार नेकपा प्रवक्ता नारायणकाजी श्रेष्ठ र केन्द्रीय सदस्य डाचाराज वाग्लेको सम्पर्कमार्फत काठमाडौं आइपुगेका थिए ।  मंगलबार नेकपाका अध्यक्ष पुष्पकमल दाहाल, वरिष्ठ नेता माधव नेपालदेखि गृहसचिव र प्रहरी प्रमुखसम्मको उपस्थितीमा आफ्नो पीडा सुनाएका थिए।

दाहाल निवास खुमलटारमा मंगलबार पुगेका पीडितले दाहाल, वरिष्ठ नेता नेपाल, प्रवक्ता श्रेष्ठ, गृहसचिव प्रेमकुमार राई, नेपाल प्रहरीका आईजीपी सर्वेन्द्र खनाल र गृहमन्त्रीका राजनीतिक सल्लाहकार सूर्य सुवेदीको उपस्थितीमा आफूहरु ठगिएकोबारे जानकारी गराएका थिए। 

यसरी काठमाडौं आउनेमा सर्लाही जानकी नगरपालिकाका रामविहारी महतो, वरहथवाका असर्फी महतो, विन्देश्वर महतो, कपुरी ठाकुरलगायत तीन दर्जन छन्।

यसमा तपाइको मत

Your email address will not be published.


*