शिक्षा आयोग उपाध्यक्ष गिरीले २० करोड घुस मागेको दुर्गा प्रसाईको आरोप

बी एण्ड सी मेडिकल कलेज एण्ड रिसर्च हस्पिटल प्रालि सञ्चालन गर्नका लागि चिकित्सा शिक्षा आयोगका उपाध्यक्ष श्रीकृष्ण गिरीले घुस मागेको आरोप लगाएका छन् ।  काठमाडौँमा  पत्रकार सम्मेलन गरी चिकित्सा शिक्षा आयोगका उपाध्यक्ष गिरीले  २० करोड रुपैयाँ घुस मागेको कलेजका सञ्चालक दुर्गा प्रसाईले आरोप लगाएका हुन् । 

यही पुस १५ गते होटल द्वारिकाजमा भेटर उपाध्यक्ष गिरीले आफुले नेता तथा उपल्लो तहका कर्मचारीलाई मोटो रकम बुझाउन पर्ने भन्दै उनले २० करोड रुयैयाँ मागेको सञ्चालक प्रसाईंले बताएका छन्  ।  । 

सम्मेलनमा पत्रकारहरुले २० करोड मागेको प्रमाण के छ भनेर प्रश्न गर्दा ‘प्रसाईंले मोवाइलमा एसएमएस समेत लेख्न नसक्नले कसरी रेकर्ड राख्नु ?  प्रसाईंले गिरी र आफूलाई आमनेसामने राखेर कुरा गराउन चुनौती दिए ।

यता, चिकित्सा शिक्षा आयोगका उपाध्यक्ष श्रीकृष्ण गिरीले प्रसाईंको आरोपलाई ठाडै अस्वीकार गरेका छन् । त्यसबारे आफूलाई केही पनि थाहा नभएको बताएका छन् । उनले भने ‘जिम्मेवार व्यक्ति  हावाको भरमा बोल्न हुँदैन, प्रमाणको आधारका बोल्नुपर्छ ।’